صباح الخييييييير
هو صحيح أنا باكتب والساعة معايا 9 باليل.. بس "صباح" الخير دى عشان أنا لسه النهارده فايقة من كابوس الامتحانات ومش عايزة أسمع كلمة امتحانات تانى ولا
حد يجيبلى سيرة النتيجة و الهم ده ..أنا خلصت وخلاص
حد يجيبلى سيرة النتيجة و الهم ده ..أنا خلصت وخلاص
.عايزة أحس انى ف أجازة لأنى بجدكنت محتاجاها أوى
..بصراحة أنا مش عارفة ايه اللى جابنى هنا وايه اللى رمانى على موضوع التدوين ده أصلا.. بس المهم انى جيت.. يمكن حاسة انى عايزة أعمل أى حاجة جديدة ف حياتى اللى أيامها بقت شبه بعضها..وأهو بدل ما أنا قاعدة طول اليوم بأكلم نفسى أتكلم هنا و أريحها
شوية
وبمناسبة التدوين والكتابة والذى منه.. امبارح و أنا قاعدة كده سرحانة فى الملكوت.. لقيتنى بأسألنى "هو أنا بأكتب ليه..التخاريف و "الرغى اللى بألاقينى ماسكة ورقة وقلم وعمالة بأكتبه ده.. بأكتبه ليه يعنى هه؟
و اذ فجأةً ألاقى الجملة دى ف سكتى و أنا بأقرا
، أحاول أن أشبع رغبة ملحة فى نفسى بأن أكتب ما يحدث من حولى لمجرد الكتابة
فأتنفس بعمق وأشعر براحة من يتخلص من حمل ثقيل على كتفيه، الكتابة بالنسبة لى بمثابة العلاج الطبيعى
لمريض عصابى دائم القلق و التوتر.ا
...وهو ده بالظبط اللى بيخلينى أكتب
..اذن أنا عايزة أحس انها مساحتى ..بتاعتى..باتكلم فيها براحتى.. و أقول اللى ف نفسى .. مهما كان البعض هيعتبره تافه أو ساذج
..عايزة أخرج هنا الكلاكيع اللى جوايا..
..اذن أنا عايزة أحس انها مساحتى ..بتاعتى..باتكلم فيها براحتى.. و أقول اللى ف نفسى .. مهما كان البعض هيعتبره تافه أو ساذج
..عايزة أخرج هنا الكلاكيع اللى جوايا..
عايزة أتكلم معايا ومع أى حد ومع ولا حد (والأخير ده أهم حد فيهم)ا
...أنا عايزة أقول وخلاص..أخرف و أهرتل
...أنا عايزة أقول وخلاص..أخرف و أهرتل
..باختصار عايزة أبعبع
ماشى؟
يللا فوتتكم بعافية
.وقريباً ان شاء الله هآجى أبعبع هنا
ماشى؟
يللا فوتتكم بعافية
.وقريباً ان شاء الله هآجى أبعبع هنا
6 comments:
تبعبعي يا آآآيـــة ؟؟؟ ، هيا حصلت لدرجة البعبعة ؟؟؟ لا حول ولا قوة إلا بالله ،،، عمومًا خير إن شااااء الله ...
قولي أفضفض ، أهلفط ، أهرتل ، أهيس .... أفيش الهوامش حتى ، لكن أبعبع ... محسساني إنك هتـ ـ ـ ـ بعبعي !!!
منورة ف مدونة يا أييوووووتة ( إيه أيوتة دي ) ، ما علينا
سمعتي أغنية خوف ولا لأ ؟.؟؟؟
http://www.klamsema.blogspot.com/
خلاص بعبعي براحتك .. بس هو بعبعه يعني ايه؟؟
:D
بس اذا كان هتستريحي على البعبعه بعبعبي
هههههههه
لا بجد هيا المدونه اتعملت لايه غير عشان نطلع الي جوانا ماهما كان
هايف ولا سخيف ولا عبيط ولا كلام جامد
هيا مكنا الحر الي بنعبر بيه عن الي جوانا بدل مايخنقنا
في انتظار بعبعتك يا جميل
:)
يااااااااااااه أخيراً إرتحتي وريحتينا معاكي
اووووف غُمه وراااحت
من حقك ترتاحي انت تعبتي كتير ياولداه
وفاضل إنك ترتاحي
دلوقتي افاضلكيش غيرنا غير الصدر الحنين اللي تفضفضي عليه وتبعبعيتبعبعيييتبعبعبعبعبعيي
طلعي كل اللي جواكي كل اللي محشور في القلب وفي الذاكرة طلعلي كل فضلات الشحن والقرف والكبت والجد وأرميها بره على السلم واكسري وراها قله وياريت لو زير يبقي أحسن كل ماكانت الحاجه اللي هاتكسريها كبيرة هاتكون الراحه أكبر فض فضي ولاتكتميش لاحسن لاقدر الله يحصلك حاجه واحنا ماحتاجينك الايام دي واتمنى اشوفك بتفضفضي في مدونة فض فض بايدك برجلك باي حاجه فضفضي ولا تخافيش
ويارب إن شاء الله نسمع خبر كويس عنك ونقولك مبروك
منتظرين بعبعتك
أستاذى ومعلمى(بضم الميم)
أستاذ ابراهيم
أحب أقولك ان البعبعة تختلف كتير عن الفضفضة أو الهلفطة أو الهرتلة وحتى التهييس
البعبعة اللى هى الـ ـ ـ البعبعة يعنى وكده
يعنى هاتكلم فى أى كلام أنا عايزة اقوله
ممكن يكون ما يهمش حد غيرى
ويمكن كمان ماحدش يفهم منه اى حاجة غيرى
والبعبعة لا تشترط اى قيود لغوية او نحوية والذى منه
يعنى كلام وخلاص
روزا
ميرسى على زيارتك والله نورتى
وبالنسبة لسؤالك عن معنى البعبعة
فلو قريتى ردى على ابراهيم هتعرفى
وبعدين مسيرك تشوفيها عملى
:)
الاستاذ حسن أرابيسك ميرسى جدا على زيارتك
أحدهم أو مادو
أتمنى ما تصدعش من بعبعتى
ونورتنى بجد
Post a Comment