..آخر المحاولات كانت فى الصيف الماضى.. وانتهت فى الشتاء الماضى برضو
..وكنت زى كل مرة فاكرة انى هاخرج من هذه المحاولة بحل لمشكلتى المكلكعة واللى لازمتنى منذ الطفولة وحتى الآن
.. :( ومادام "حتى الآن" اذن أنا خرجت من محاولة الصيف الماضى ايد ورا وايد قدام..
..وضلمت الدنيا تانى؟؟ وكملت أنا..وعشت ..عادى يعنى..اتعودت على الضلمة من زمان
..لكن النور (مش عارفة للأسف وللا لحسن الحظ) بيظهر من تانى.. ومن فترة مش بعيدة ظهر لى فجأة
الغريب أوى انى عملت مش واخدة بالى.. والظاهر انى استحليت الضلمة.. والأكيد بقا انى بقيت أخاف م النور
....خدعنى كتير..بيقطع فجأه وبأرجع للضلمة تانى
خايفة أوى أطلع من المحاولة دى زى كل مرة شايلة مشكلتى على كتافى وفوقيها محاولة فاشلة.. أنا بجد مش ناقصة
..وللأسف كل اللى ساعدونى فى المحاولات اللى فاتت شكلهم كده فقدوا الأمل
..لأنهم شايفين النور ده معايا وبرضو عاملين مش واخدين بالهم
..!ومع ان من حقى عليهم انهم يساعدونى ..أنا مكسوفة أطلب منهم المساعدة
أنا تعبت أوى بجد ..زهقت من الضلمة ..ونفسى فى النور..بس خايفة
الواقع بيقول انى ماقداميش غير حلين
يااما أستنى ف الضلمة
وأحاول أكمل حياتى كده (وده صعب أوى) ا
يا اما أروح للنور
وأجرب وتيجى زى ماتيجى
بس المرة دى هاكون لوحدى
....لوحدى خالص
لأ لأ بلاش أحسن
.....
..
.
...
يارب
10 comments:
أصعب حلم...ذلك الذي يبدأ دون أن نعرف له نهاية
أصعب موقف...ألا تكون أقدارنا بأيدينا ونراها في أيدي من لا يقدرون قيمة الأشياء
تحياتى
"اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ (35)"
سورة النور
خدي بالك من نفسك واستخيري كتير
تحياتي لك من ماناساس البلد
السلام عليكي
حلو قوي الكلام اللي انتي كتباه
و اتمنى زيارتك لمدونتي
زيزي
momken
كلامك حلو أوى
وعندك حق
!!!!
the groom
أولاً ميرسى على زيارتك
نورتنى بجد
ثانياً
أنا قريت التعليق من فترة
وكل ما آجى أصلى أفتكر "استخيرى كتير"ا
جزاك الله خيراً
_______________
Meekness
ميرسى على مرورك يا جميلة
وميرسى على كلامك الجميل
:)
أولا شكرا لك لمرورك على مدونتي وبجد أسعدني
ثانيا الاستخارة دي هي الأساس طبعا في كل شيء وكان الرسول عليه الصلاة والسلام يستخير في كل الأمور حتى أبسطها
أما عليا فأنا اتربيت 17 سنة في الامارات وطبعا العربي بتاعي كويس قوي الحمدلله وكمان انا قوي جدا في اللغة عن ناس كتير الحمدلله بس لأني كنت بحبها
وعشت 7 سنين في مصر
واديني هنا سنة ونص فقط في أمريكا يعني مش خواجة زي ما تفتكري
أما على منكشح فأنا دايما بحب أقولها كده وعارف ان الأصل منشكح لكن أنا بحب الأخطاء مع سابق الاصرار والترصد
تحياتي لك من ماناساس البلد
:)
انا عاجبني اللمبه ولا الفانوس اللي فوق دا
:d
the groom
كده هاغير نظرتى ليك
كنت فاكراك خواجة وكده
:)
عموماً منكشح منشكح
براحتك ياعم
كل واحد حر
:)
جوستين
والله وأنا كمان
زيك بالظبط
:d
Post a Comment