تاج بالزبيب والمكسرات وجوز الهند كمان

،وصلنى من رفيقة التدوين المدعوّة /زيزى، التاج العجيب ده ،واللى فيه أسئلة من كل صنف ولون،يعنى تاج كوكتيل

كالتالى YOTTAوكانت اجابات المذكورة

.....

لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟

،ماأفتكرش ان كان فيه عصر معين فى مصر كان فيه عدالة واذدهار بالدرجة اللى تخلينى أتمنى أعيش فيه

،وده طبعاً يشمل العصر الحالى
.يعنى غالباً هاشد الرحال على كازاخستان

اول اولويه فى حياتك عيلتك ولا شغلك ولا اصحابك؟

عيلتى

ايه اكتر حاجه بتحبها فى رمضان؟

ريحة رمضان ،،اللى بقالى كذا سنة مابأشمهاش

.يعنى كنت بأحس ان أيام رمضان ليها ريحة معينة..أو حالة على بعضها

بس السنة دى بالذات حاساها أيام عادية جدًا،

:) ومش شمّة غير ريحة الأكل

اوصف ليا اجمل فطار ممكن تفطره ؟

آه.. جينا بأه للكلام عن الأكل
Vegetarianفى الواكع أنا
"يعنى نباتية..ورافعه شعار "لا للحمة..لا للفراخ..لا للسمك
ماأقدرش آكل الأحياء دى
:) شفت البراءة
بس برضو بحب الأكل..وأحلى فطار هيكون
ورق عنب.. بطاطس محمرة.. سلطة كول سلو.. وبيبسى
.كانز لو سمحت

لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

:شوف الصدف السعيدة، النهارده الدكتور ف المحاضرة كانت بتقول ايه

There is a universal idea of justice and a particular concrete laws for each society.
.يعنى العدالة كمعنى عام، والعدالة لكل مجتمع على حده اللى بتحكمها القوانين المجردة
ايه الكلام الكبير ده،
المهم يعنى ان العدالة بمعناها الأول فهحققه بالتواصل المستمر مع الشعب، ومعرفة متطلباتهم

(وتنفيذها بالأولوية (الأهم فالمهم

أما المعنى التانى للعدالة، فهيتحقق عن طريق الحرص على تطبيق القوانين

.وتصدير الكميات المهولة من الكوسة أو التخلص منها بأى طريقة بأه

اللى بيبوظ الحكام .. نفسهم؟ ولا الشعب؟ ولا الحاشيه المقربه؟

..هاتكلم ع اللى أنا عايشاه
لو فرضنا ان الحاكم أساساً أصلاً جواه حبة فساد أد كده هوه
فالحاشية بتساعده وتخططله فبيبقوا آآآآآآآد كده هوه
والشعب بعضه بيستهبل وبيعمل مش واخد باله
،،بيمشى جمب الحيط يعنى

والبعض الآخر بيحاول يقاوم الفساد ،وفى الغالب من غير فايدة

ليه؟؟ لأن كفة الفساد بقى فيها الحاكم، والحاشية، والجزء اللى بيستهبل من الشعب
.بينما كفة مقاومة الظلم مافيهاش غير الجزء الآخر من الشعب
.وغالباً المدونة هتتقفل قريب على ايد التاج ده ان شاااااااء الله

مين أكتر اعلامي مصري بتحترمه؟
اممممم
تامر أمين، ذكى.. ومحترم

"بغض النظر عن ما يقدم فى "البيت بيتك"، وفى رواية أخرى "البيض بيضك

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟
للأسف لسه، لكن سمعت عنه وحطيته ف لستة الكتب اللى ناوية أجيبها ان شاء الله

لكن بعد التفحيص والتمحيص لقيت
هنا

أجزاء من الديوان.. بصراحة اتهبلت..حسيت الكلام شبهى أوى
:بص مثلاً

..عيلّ

باحب ده علشان باحبه

..و مابكرهوش

حتى ولو كان مش جميل

..ولسه وشّى

محتاجش لرتوش

..ولسّه قلبى

ماحتاجش لبديل

باحلم بنفسي طويل طويل

واما يجيني نعاس باميِّــل

..عيّل

بسيط جداً، وعميق جداً
.بجد جميل، وفكرنى بالرائع :مجدى نجيب، اللى بأعشق كل كلمة كاتبها

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

اممم، بما انى لسة ف آخر سنه ف الكلية

فممكن أقول انى نفسى أدرس "فلسفة"، خاصة فلسفة الوجود
".و"تذوق فنى

.ده بجانب دراستى الأساسية(آداب -انجليزى) اللى عمرى ما اتمنيت أغيرها

.وده اذا فضل فيا نفس أكمل

ايه تانى بلد تتمنى تعيش فيها بعد مصر؟

الامارات.. بأحس انها بلد نضيفة أوى..وغنية..ومتحضرة

.ده بيوصلنى من شخص قريبى هناك

اوصف ليا ترتيبات اجمل فرح ؟؟

:) عريس وعروسة وكده؟

أبسط فرح هو أجمل فرح
يعنى أنا شخصياً ساعتها هيبقى فرحى انى هكمل مع الانسان ده حياتى
.مش بالطبل والزغاريط يعنى..مش مهم خالص

بتراعي كلام الناس والقيل والقال؟ لو اه اولا قوللي ليه؟

بص بأه

ده موضوع كبير أوى، ولغاية فترة قريبة كان جايبلى هتش ف دماغى لأنى كنت بأضيع وقت كبير أوى فى التفكير
،ازاى أرضى دول وازاى دول مايتكلموش ودول مايقولوش
لغاية ما اكتشفت حاجة مهمة أوى
ماحدش له حق يتدخل ف حياتى، ويخلينى أمشيها على مزاجة
،دى حياتى أنا.. بتاعتى.. أعيشها على مزاجى أنا مش على مزاج حد تانى
،وزى ما أنا أحب مش زى ما الناس تحب

،عشان لما أكبر-اذا ربنا ادانا عمر- وأبص على حياتى من بعيد كده
.ألاقينى عشتها زى ما حبيت، وعملت اللى كان نفسى أعمله ، مش اللى الناس كان نفسها انى أعمله

.لو كل واحد يشغل نفسه بنفسه هنبقى أحسن بكتير

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

ايه ياعم ده لأ، اوعى أسمعك تقول كده تانى

.. بصراحة ماأقدرش أستغنى عن التكنولوجيا دى..يعنى خلاص بقت جزء من حياتى
-على الرغم من عيوبها-
.أنا لما بأصحى ألاقى الكمبيوتر مش شغال، بأتضايق جداً وما بأستريحش لغاية ما يتصلح

السعاده هى؟

ها؟
!!!

عندك أمل ؟؟ أسبابك ؟

..باحاول
.عشان أكمل

لما تحب تهرب من كل شئ بتروح فين؟

:)فى النوم
.أو أسرح مع نفسى بعيد ..بعيد أوى، أنا أصلى أعز السرحان أوى

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

تقريباً يومياً بآخد النفس الطويل ده
وبأقول الجمله دى
حاجات حاصلالى و بتحصللى كبرتنى أوى

"لكن برضو.."عيّل

لما بتعمل عمل خيرى بيكون ايه هو دافعك الاول؟

تصدق الحكاية دى بتحيرنى أوى
نفسى أتأكد ان نيتى بتبقى صافية لربنا، وانى ما بأقصدش الرياء، أو ثناء من حد.
.وبأحاول

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

.لأ، الحمد لله

تعرف ايدك اليمين من الشمال ازاي؟

ايدى اليمين بأكتب بيها وأنا بأذاكر
.الشمال بأه، بأشد شعرى بيها ،وأنا باذكر برضو

ايه اكتر آله موسيقية بتحبها؟
،القانون
.الجيتار

فى رأيك ليه الذوق والنخوه اتعدموا؟

عشان كل واحد دلوقتى بيدور على مصلحته، ماحدش فاضى لحد

ولا حد مستعد يضحى عشان حد
.مافيش وقت يا أستاذ

ايه الحاجه اللى لو حصلتلك تبقى سعيد قوى؟؟؟

،آآآآآه
(دى كانت تنهيدة)
-هى حاجة واحدة-و مش لازم أقولها
بس دايماً حاسة ان لو الحاجة دى حصلت هاكون سعيدة ومشاكلى كلها هتتحل
.لكن الله أعلم يمكن برضو مش هى دى الحاجة اللى تسعدنى، وألاقى سعادتى ف حاجة تانية خالص
.المهم ألاقيها

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
فلوس ف البنك
،أشترى بيها عربية، وبيت كبير، وهدوم كتير كتير
.وأعمل مشروع ما من مشاريعى العبقرية ال-حتى الآن- خيالية

البحر و لا النيل؟
النيل

مركب و لا طياره؟؟
.مركب ،ومركب بدائى جداً،أبو اتنين مجداف ده

مجنون و لا عاقل؟؟
مش عاقلة لدرجة التعقيد
ومش مجنونة لدرجة التهور
"يعنى "مليان جنون لكنى عاقل

تقرأ كتاب و لا تتفرج عليه فيلم؟
،،فيلم

بتمرر التاج لمين؟؟؟

الأستاذ ممكن فى ممكن

،ولو انه مختفى اليومين دول

الباشمهنذة ميوية فى عالمها الصغير

فى رحلة البحث west والأستاذ

.و مختفى برضو