ماتستعجبش.. ماتستغربش

لما يبقى عادى ان البنى آدم ماشى كده ف أمان الله ،وفجأه يلاقى جزمة بنى آدم زيّه فوق دماغه لمجرد انه لابس البدله اياها فمن حقه
-وطبعاً للاهانة أشكال أخرى-

...

ولما يصدر حكم بحبس خمس رؤساء تحرير صحف جريمتها انها بتقول الحقيقة،،وبتكشف البلاوى ، بينما منافقو الصحف القومية قاعدين

...ف مكاتبهم حاطين رجل على رجل

ولما مصر تتقسم نصين،، مصر العشة بتاعة عامة الشعب (واوعى تكون منهم أحسن دى بقت شتيمة)،، ومصر القصر
...بتاعة السفرا والوزرا والفنانين ولعيبة الكورة

ولما تامر حسنى يبقى نجم الجيل، وآجى أقول لاصحابى عن حفلة وجيه عزيز، ألاقيهم بيقولولى: مين وجيه عزيز ده، بتاع ايه؟؟

ولما أبقى نازلة من بيتنا الصبح رايحة الجامعة كل أمنيتى ف الحياة انى أوصل ف ميعادى..وهدومى تفضل مكوية.. ..وألاقى كرسى فاضى

(وماألاقيش راجل جه لزق جمبى (بأتأمر كمان آه
وأدخل المحاضرة سرحانة ..شايلة هم الرجوع،، واللطعة ف الشمس نص ساعة

أو يزيد، وأفوق على مناقشة بين الدكتور وواحدة زميلتى بتشكى لها

متأثرة أوى- ان كل-

،مشكلتها ف الحياة انهم -يا عينى- مابيرضوش يدخلوها الجامعة بالعربية

-وبتقعد -ياعينى برضو

...تلف تلف على مكان عشان تركن فيه العربية

يبقى

ا "علينا ان نحتمل وجودنا أكثر ما يمكن وحتى ما كان شديد الغرابة،ينبغي ان يكون ممكنا في هذا الوجود،هنا تكمن

:الشجاعة الوحيدة التى نحن مطالبون بها

".ان نكون شجعاناً أمام ما هو أغرب وأبعث على الدهشة، وأقل قابلية للايضاح

- راينر ماريا ريلكه -

و

هو حصل ايه؟؟

وجيه عزيز