الملك فاروق

..وخلص مسلسل الملك فاروق
،وعلى قد ما استمتعت بيه
..على أد ما زعلت انه خلص

،،مسلسل رائع.. من أول غنوة المقدمة، للصورة، للتصوير، للماكياج، والديكور، وطبعاً التمثيل..كل حاجة كانت ممتازة

وعلى الرغم انى كنت واخدة موقف من الممثلين السوريين اللى دخلوا ف الدراما المصرية شمال كده ومن غير احم ولا دستور،،ا
،،مش عشان مصر هى امى وكده، لأ طبعاً لأن الفن مالوش وطن
لكن عشان النماذج اللى شفتها ماعجبتنيش (وده طبعاً رأيى الشخصى) ا
يعنى ماشفتش كاريزمة جمال سليمان اللى ناس كتير شافوها.. وماحبيتش رقة سولاف فواخرجى ، حسيتها مصطنعة..وما استظرفتش أى حاجة ف جومانا مراد تمثيلاً وشكلاً وموضوعاً

لكن
"اوعى كله يوسع"

تيم الحسن استثناء
..ممثل فوق العادة،، كان حقيقى جداً
،ما أعتقدش ان كان فيه حد غيره يقدر يعمل الدور بالطريقة دى
..ولا هو نفسه ممكن يمثل كده تانى

طبعاً كل كلام الغزل فى المسلسل ماينفيش ان القصة كان فيها حبة تحابيش، وان هدف الكاتبة د. لميس جابر فى تحسين صورة الملك فاروق كان واضح جدا ، اً
.لكنى اضطريت أعمل مش واخدة بالى، وأتفرج ع المسلسل كدراما ومش كمصدر أعرف منه حقيقة الملك فاروق

.يمكن المسلسل ماقدمش الحقيقة كاملة، لكنه قدم دراما متكاملة وكان لازم أقول فى حقه كلمتين

:دى مواعيد المسلسل دلوقتى*
على النيل للدراما الساعة
4.00 pm

9.00 pm

9.oo pm

حكايات art وعلى

الساعة

6.00 pm

10.00 pm

ودى

مقدمة الملك فاروق
نهاية الملك فاروق