بقالى كتير مافرحتش

امبارح بس اكتشفت انى "بقالى كتير مافرحتش". مش معنى كده انى زعلانة أو متضايقة لا سمح الله، لا أبداً، والحياة حلوة وكل حاجة.. بس ف نفس ذات الوقت مش فرحانة.. الفرحة دى اللى هى غير الانبساط وغير السعاده.. ا

أيامى عادية.. الروتين اليومى، جامعة..مواصلات..محاضرات..وشوية نت.. العادى أوى ده.. ا

ومع انى بأعرف أفرحنى.. بحاجات عبيطة جداً..يعنى مثلاً أروح معايا المول ..أشترى لى كتاب كان نفسى فيه.. أجيب لى شوكولاتاية جالاكسى أم كاراميل دى.. أفرجنى على فيلم بحبه ع الكمبيوتر..أو أسمعنى غنوة واحشانى

!!..وممكن أغنيهالى كمان

لكن المرة دى مش حاسة ان أى حاجة من دول ممكن تفرحنى.. المرة دى بالذات مش عارفة أفرحنى.. ا

..المرة دى

عايزة

حد

.يفرحنى

غنوايه ليكو. ا

و ملحوظة ليا: وحشنى أوى أقعد مع بيبو/رحاب صحبتشى ف مؤمن. ا

الصورة من أعمال مجدى نجيب*

. . .
تحديث

-

..حاجات فرحتنى
.أولأ: بدأت الكورس، وحاسة انى بعمل حاجة ف حياتى غير الكلية
.ثانياً: عندى خروجتين الأسبوع الجاى مع صحابى، يارب يحصل، ولو صفصفوا على خروجة يعنى مش مشكلة
.ثالثاً: قربت الخمس كتب اللى كنت ناوية أخلصهم الشهر ده فى وقت قياسى، ودى أول مرة تحصل

.رابعاً: أنا -الى حد ما- فرحانة

:)