منطقياً ، بما ان النهاردة ف النتيجة 17 يناير سنة 2008
وبما انى اتولدت فى 17يناير سنة 1988
اذن الفرق 20
!!!
حاجتين اتنين حاساهم دلوقتى.. ا
أولا مش فاكرة ابداً انى عشت عشرين بحالهم ، ا
عشرين كتير أوى عليا بجد.. من الآخر كده حاسة انى اتضحك عليا.. وفيه خمس ست سنين كده اتاخدوا منى (بمزاجى بقى مش بمزاجى مش دى القضية) لكن بجد كتير عشرين عليا.. ا
ثانياً بقى حاسة انى هنا من زمان أوى ، ا
وان اللى حصل لى ف العشرين اللى فاتوا أكتر من انه يحصل ف عشرين سنه.. وكنت محتاجة خمس ست سنين كمان عشان كل حاجة تحصل براحتها .. ا
.
.
ف الحالتين بقى حاسة ان العشرين اللى فاتوا ماكانوش شبهى أوى.. ا
عملت حاجات كتير مابحبهاش.. ومعملتش حاجات كتير كنت عايزة اعملها .. ا
لكن مش عايزة اقلب الصفحة اللى فاتت وافتح صفحة جديدة.. ولا هاقطع الورقة وارميها.. ولا هاجيب استيكة وامسح.. لا .. ا
هاخلى اللى فات زى ماهو.. ا
وبس هاحط نقطة كده ( . ) ا
و هابدأ من أول السطر.. ا
وهاكتب كل اللى جاى شبهى أوى.. كل اللى جاى بتاعى .. ا
ممكن؟ ا
.
اقدر اقول انى مبسوطة -الى حد ما- باللى انا فيه دلوقتى ..مع انى ناقصنى حاجات كتير..كفاية انى حاسة انى لسه بريئة :) ا
أكيد بقى لازم اهديلى غنوتشى يا نور جديد D: ا
وكل سنه و انا بريئة :)
ا
14 comments:
يوتا يا قمري
اولا كل سنه و انتي طيبه يا جميله
حلو قوي انك فرحانه بكل ما حدث في ماضيكي
و مش هتقلبي الصفحة
لا هتحطي نقطه و تبدأي من اول السطر
يا رب كل السطور اللي جايه
تبقا حلوه يا يوتا
و ما تبقاش مزنقه عشان الخط يطلع حلووووووووو
التغليق كتبته و انا مهيسه مووت
تحياتي ليكي يا قمر
و كل سنه و انتي طيبه يا عثلللللل
و بوسه كبيره ليا
عشان انا اول تعليق
وش مطلع لسانه
زيزي
كل سنه وانتى طيبه وانتى لسه برئيه ومحققه احلامك
من الجميل انى احنا نحط نقطه فى اول السطر ونبتدى من جديد ومنرميش الى فات لانى ماضى الانسان زى جذور الشجره هى الى بتخليه واقف ثابت
تحياتى
محمود
كل سنة و أنتى جميلة من جواكى
كل سنة و أنتى بريئة لأبعد نقطة فى قلبك
كل سنة و الجاى بتاعك ..
...
:)
عجبنى إنك مش هاتمسحى اللى فات و هاتكتفى بالنقطة ..بس على الله النقطة تسد ..!!
كل سنة و أنتى بكل خير
كل سنة وانتى بريئة
وانتى عسولة
وانتى روحك منطلقة
وقلبك وسع العالم
احلى حاجة انك هاتسيبى اللى فات فات
اللى فات كان شبهك برضو
كل سنة وانتى دايما بخير
العزيزه يوتا
اولا انا كنت فاكر انى بعت اللينك الجديد ليكى من ضمن الناس الى بعت ليها اللينك الجديد
بس واله موضوع التغير مكنش بايدى لانى للاسف الشديد البلوج القديم اتهكر عليه وادلت بشكل كامل بكل الى عليه
ممكن يكون سها عليه او نسيت بس ياستى على العموم انا جاى اقولك نورتى البلوج الجديد
وانا اسف جدا على الغلط ده
فعلا حيبقى عيد ميلاد حقيقي
ربنا يوفقك
ومستني الحاجات الجميلة
كل سنه و انتي دايما بريئــــــــة يا رب
البراءده بجد كنز جوانا
ماتسمحيش لحد او حااجه تبوظ نقاوتها
و مبسوطه بجد بفكرة النقطه الي هتحطيها لحياتك
ربنا يسعدك دايما و يحلى أيامك
:)
كل سنه وانت دايما بريئه و جميله
زيزو
..
وانتى طيبة و زيكس
وربنا يخليكى لي وتهيسى هنا على طول
:)
ومليون بوسة مش واحدة بس
ونجمة كمان
:D
..
محمود
..
وانت طيب :)
..
والف سلامة ع البلوج القديم..كلنا لها
ومبرزك الجديد
ومافيش اى داعى للاسف على فكرة
بتحصل :)
مها
..
ايه النور ده بس يافندم
:)))
وانتى طيبة
ومتقلقيش هتسد
انا اصلى هاعملها
bold و large font
:)
..
ميوية
..
وانتى طيبة ومنورانى
دايما
miss u
:)
مصطفى
..
وانت طيب
ومنور هنا
:)
..
rosa
..
وانتى طيبة و روزا :)
لو عاجباكى فكرة النقطة هاسمحلك تستلفيها
بس حقوقى الفكرية والادبية محفوظة طبعا
:DDDD
..
كل سنة و انتى بريئة
:)
كل سنه وانت طيبه يا جميل وحلو انك تبدىء من الاول ويارب كل اللى جاى تعيشى فيه اجمل سنين عمرك
جيداء
وانتى طيبة أوى
:)
ميرسى لمرورك
العراف
..
ميرسى لكلامك
وانت طيب :)
نورت كتيير
:)
Post a Comment