برغم المطر.. والبرد
الدنيا كانت دفا أوى هناك امبارح
..
.
ف ساقية الصاوى- قاعة النهر
حفلة وسط البلد
..
.
أصريت انى أنزل ف عز المطره
عشان مرتبة للحفلة من زمان
وقلت هاروح يعنى هاروح
لأنى لو كنت قعدت كنت هاتضايق واحتمال أكتئب
-مابحبش اى حاجة توقفنى عن حاجة عايزة اعملها-
..
.
كنت حاسة المكان هيتهد بينا تقريباً
العدد كان كبير جداً..تعدى الألفين (على حد قول هانى عادل و مستر الصاوى:) ا
و كان فيه حالة حماس غير طبيعية..خصوصا ان ماتش مصر كان هيتعرض بعد الحفلة ف نفس المكان
هيصت كتير أوى ..و هيست كمان
بما انى كنت قاعدة فوق ع السلالم لأن ماكانش فيه مكان
الجو كان تحفة
معرفتش اشوف الماتش هناك عشان ما اتأخرش.. بس لحقته ف البيت
..
.
الدنيا كانت دفا أوى هناك امبارح
..
.
ف ساقية الصاوى- قاعة النهر
حفلة وسط البلد
..
.
أصريت انى أنزل ف عز المطره
عشان مرتبة للحفلة من زمان
وقلت هاروح يعنى هاروح
لأنى لو كنت قعدت كنت هاتضايق واحتمال أكتئب
-مابحبش اى حاجة توقفنى عن حاجة عايزة اعملها-
..
.
كنت حاسة المكان هيتهد بينا تقريباً
العدد كان كبير جداً..تعدى الألفين (على حد قول هانى عادل و مستر الصاوى:) ا
و كان فيه حالة حماس غير طبيعية..خصوصا ان ماتش مصر كان هيتعرض بعد الحفلة ف نفس المكان
هيصت كتير أوى ..و هيست كمان
بما انى كنت قاعدة فوق ع السلالم لأن ماكانش فيه مكان
الجو كان تحفة
معرفتش اشوف الماتش هناك عشان ما اتأخرش.. بس لحقته ف البيت
..
.
الفيديو من حفلة امبارح- اول غنوة غنوها- قربيلى
Aتحديث
دى عم مينا- من الحفلة
وهنا بيشجعوا مصر
Aتحديث
دى عم مينا- من الحفلة
وهنا بيشجعوا مصر
14 comments:
السلام عليكم ورحمة الله وبركاته
...........................
اول تعليق على البوست وأول زيارة للبلوج :)
حالة حلوة ..وكويس انك نزلتى وروحتى الحفلة اجمل حاجة اننا نعمل الحاجة الى حبنها وعازينها حتى لو الظروف كانت مش مساعدة بتبقى الذ وأحلى :)
فرقة وسط البلد فرقة جميلة تستاهل ان الواحد يخرج يسمعها فى اى وقت ومكان :)
تحياتى ليكى وللمدونة الجميلة وان شاء الله مش أخر زيارة
....
واسف على الاضافة على الميل بدون اذن او تصريح مسبق ..ده مرض بعيد عنك جنون اضافة الناس والتعارف على الناس :)
تحياتى :)
و عليكم السلام ده اولاً
ثانيا
نورت هنا
وأتفق معاك طبعا فرقة وسط البلد
فرقة جامدة آخر حاجة :DDD
..
وعلى فكرة "لو كنت" قلتلى انك جبت ميلى من البلوج "كنت" ممكن اضيفك مع انى عموما مبضيفش حد غير لما اكون عارفاه
لكن انت مرضيتش تقول حاجة!!ا
بس فرصتك راحت خلاص :D
يلا حصل خير
..
ميرسى ع الزيارة تانى :)
..
السلام عليكم ..تانى مرة :)
اولاً
شكرا على الترحيب الجامد ده .. الى بيدل على كرم الضيافة :D
ثانياً
انا بس فوجئت بهجومك عليا.. قلت يمكن انتى بتتضايقى من كده.. وانا بطبيعتى مش باحب أضايق حد او اسبب ضيق لحد. فقلت انسحب بهدوء عشان انتى تبقى مرتاحة
وانا سعيد بمعرفتنا البلوجرية أوى أوى وتكفى ..
وشكرا على الفرصة الى معرفتش استغلها :D
تحياتى
يااااااااااااه
اهو الساقية دي الحاجة اللى فعلا نفسي اروحها بس فعلا مفيش وقت اروح او فى وقت بس مفيش نشاط فى كسل
اكيد هبقي هناك قريب مينفعش كدا
حلوة حالة النشوة اللى انا متخيلها لما كنتي انتى هناك
هبقي انزل الاغاني بكرة واسمعها علشان الساعة دلوقتى خمسة ويدوب الحق الفجر وانااااااااااااااااااااااااام
مبروك للمنتخب صحيح
تحياتى
تشي
الشمس
تلك التى لم ارها منذ عدة ايام
كيف حالها
ماشى ياستى
مع انى بحب فرقه وسط البلد جدا
ومع ان الساقيه وحشتنى
بس كسلت انزل من المطره الشديده جدا
كمان كنت خايف الماتش يفوتنى
ربنا يجعل ايامك كلها سعاده
تحياتى
طبعا من الفرق الجميلة اللي بتعمل مزيكاوفن بجد
معجونة بريحة وسط البلد
يوسف
..
على فكره انا مابارفضش اضيف اى حد ع الماسنجر عندى ، ومعظم الناس اللى معلقين هنا ضايفاهم عندى ، بس لما حد منهم بعتلى عشان اضيفه قلى هو فلان صاحب البلوج الفلانى.
وانا لما سألتك -انت تعرفنى؟- رديت- هو اللى يضيفك لازم يكون يعرفك- ا
!!
كان ممكن ببساطة تقولى انا عرفتك من البلوج.
عموما يا سيدى حصل خير
أنا كمان سعيدة بمعرفتنا البلوجرية:)
تشى
..
ابقى عدى على موقع الساقية ع النت هتلاقى الجدول بتاع الشهر كله..اكيد هتعجبك حاجة هتخليك تنزل
والاغانى كمان انا متأكده انها هتعجبك بما انك من الناس السميعة :)
good man
..
تعالى حفلة وسط البلد الجاية
22-2
ف الساقية
وانت تشوفها بنفسك
:)
momken
..
ماشى اتدفيت يعنى وشفت الماتش
بس لو كنت جيت كنت هتنبسط اكتر
وهتدفى برضو
بس مش مشكلة الحفلات جاية كتيييييير
:)
مصطفى
..
طبعا وسط البلد من اجمد الفرق اللى موجودة دلوقتى
و ف رأيى أجمدهم
موسيقى جديد ومختلفة وكلام جديد
بس مشكلتهم الدعاية مش اكتر
"وسط البلد" معظم أغانيهم حلوة..و حضرتلهم 3 حفلات من سنتين كدا مثلاً..لكن المشكلة إنهم عاملين زي "بلاك تيما"
ألحان و كلمات غالباً كويسة لكن للأسف الواحد بيحس إنهم بلا شخصية فنيّة!
يعني الفرقتين لهم أغاني قمة في الهلس..وسط البلد مثلاً ليهم أغاني كلماتها واقعة واقعة يعني.. زي "دماغك" و "قل لي ولا تخبّيش" و "زينوبة"...
المشكلة إن أسوأ أغنية ليهم اللّي هيّ "دماغك" غنوها في ال3 حفلات اللّي حضرتهم..و ما غنوش في ولا حفلة من التلاتة دول برضو أغنية " جيفارا"!
برضو فيه شيء تاني بكرهه في وسط البلد..في شريطهم الأخير بوّظوا معظم الأغاني بسبب التوزيعات المتخلفة اللّي عملوها للأغاني..أغنية زي أنتيكا مثلاً بقت -بالنسبالي- لا تطاق بسبب التوزيع الرديء و التيمبو البطيء جداً.
أغنية جيفارا كنت سمعتها في البيت بيتك مرة واحدة من كام شهر..بعدها بفترة صديق بعتلي تسجيل رديء ليها من حفلة..الأغنية باظت تماماً..ما بقيتش تتسمع.
مش عارف ليه بحس إنهم بيجربوا!
مش زي "نغم مصري" مثلاً..فريق له خط و شخصية فنيّة واضحة و محترمة.
عموماً جميل إنك استمتعتي بالحفلة..و لو ما سمعتيش نغم مصري قبل كدا..عندي كام أغنية لهم..لو حابّة تسمعيهم أرفعهملك إن شاء الله.
أولا..كل سنة وانت طيب
انت قافل التعليقات عندك ومش عارفة اقولك هناك
بس ف مدونتشى بقى أقول براحتى
:))
ثانياً
الشخصية الفنية اللى بتتكلم عليها أنا حاساها موجودة ف وسط البلد
يمكن اه مش موجودة ف بلاك تيما و يمكن معدومة ف اسكندريللا..
وف باقى الفرق الموجودة اليومين دول
لكن وسط البلد موسيقتهم مختلفة ومميزة عن الباقيين
كمان باحس اوى اختلافهم ده ف أغانيهم مع محمود رضوان - زى عم مينا وتسرق بيوت.
متفقة معاك جدا ان ليهم كذا أغنية واقعة زى -دماغك- و -قل للمليحة- و-سؤال-
وللأسف بيصروا يغنوها ف كل الحفلات!!!
يمكن ف الاغانى دى بيبقو عايزين يقدمو شكل موسيقى معين فبيحطو عليه اى كلام..
وللأسف بتطلع حاجة مملة اوى
والشريط كمان غاظنى جدا لأنى كنت مستنية حاجة تانية خالص من وسط البلد
التوزيعات غبية و الصوت ردىء جداً..ومفيش اى جديد..كأنهم مسجلين الأغانى من الحفلات
مثلا أغنية زى "عم مينا"للأسف باظت خالص
حتى الاختيارات مش احسن حاجة يقدمو بيها اول شريط يعنى
بيتهيألى تسجيل جيفارا اللى عندك نفس اللى عندى لأنه مايتسمعش بصراحة
بس الأغنية جامدة يعنى كلمات وتوزيع
عموما لو عايز اغانى تانية ليهم قول وانا ابعتهملك انا عندى كتير
و انت بقى اعمل فيا خير وادينى لينكات نغم مصرى
انا سمعت عنهم قبل كده بس بصراحة معرفتش اوصل لأغانيهم
يعنى لو تجيبلى غنوة او اتنين ولو عجبونى هاقولك تجيبلى الباقى
:)
ميرسى اوى على ردك وعلى كل حاجة :)
Post a Comment