ف الطريق لمعرض الكتاب .. ا
بين الولد أو عيون خضرة و باباه، اللى كانو قاعدين جنبى ف مينى باص 85.. ا
ا
-1-
ا- بابا.. والنبى يا بابا قوللى احنا رايحين فين..هه؟ ا
ا- رايحين المعرض يا حبيبى. ا
ا- ايه المعرض ده يا بابا ؟ ا
اللى فيه حمام السباحة ؟ ا
ا- لا يا حبيبى ، اللى فيه قصص. ا
ا- :( بس انا عايز اروح اللى فيه حمام السباحة. ا
ا- (بيزعق) حمام سباحة ايه ف الشتا ؟ ا
انت عبيط ؟ ا
ا
-2-
ا- بابا..
ا- شرف
ا- ايه تانى؟ ا
ا- شريف. ا
ا- لا يا بابا فيه حاجة تانى.. ا
ا- (زهق) يووه معرفش ..قول انت.. ا
ا- فيه ش ر ك ة
و فيه ش ر ا ب
و …. ا
ا
-3-
ا- بابا .. ا
(ماسك ايد باباه وبيبص فيها) اا
ا- (خلاص مش طايق نفسه ولا الولد ابو عيون خضره)
نعم يا حبيبى.. ا
ا- (ماسك ايد باباه وبيقلب فيها يمين وشمال)
انت ليه يا بابا عندك شعر ف ايدك ؟ ا
ا- (وشه اتخطف، و رجع تانى جاب الوان) ا
انت لسه صغير ياحبيبى.. لما تكبر هقولك
ا- (بيضحك ببراءة) اا
لا يا بابا ما انا كبرت خلاص
ده انا ف سنه تالتة.. يعنى شوية صغيرين وهبقى أد (منه) .. ا
ا- تالتة أول
ولا
تانى ى ى ى ى ى؟ ا
--
*حدث بالفعل -بتصرف- :) ا
--
تحديث
وأنا باجدد اللينك اللى ف السايد بار "واقرا انت" لقيت المقالة اللى هاحطها لايقة مع موضوع الأسئلة الوجيهة.. ا
المقال من مقالات د.يحيى الرخاوى فى الدستور - بعنوان "والكبار مش قدها!!" ا
12 comments:
ههههههههههه
اسئلة وجيهه للخروج من حالة الملل اللى عايشه جوايا
عارفه الاسئلة دي على قد ما هى يمكن تكون طريفة إلا انها بتدل على طريقة سيئة للغاية فى التربية
ايوة يا حبيبي وهو هياكله او هيفترسه دي اصلا بتخلي الولد ( ابو عيون خضر بالمناسبة ) يكره اليوم اللى هو حاول يسأله فيه سؤال المفروض الاب يفهم ان السؤال التافهه بالنسبة ليه هو قمه العقل لطفله ولازم يجاوب عليه مش مجرد يشخط ويزعق
ايه اللى بقوله دا معلش رجعت لحالة الخنقة وقعدت اطلع فى السيئات
اعذريني بقي
اغنية منير على قد ما هى حلوة إلا انها بتقلب المواجع
ايييييييييييييه الافراح فعلا ليت الشباب يعود يوما ونقول للزمان ارجع يا زمان :D
تحياتى كتير
تشي
"ليه يا زمان ما سيبتناش أبريا"
..
أغاني نغم مصري كنت جبتها من الموقع بتاعهم قبل ما يروح..عموماً رفعت 3 أغاني لهم..بس الأول اسمعي خيال من ع اليوتيوب
http://www.youtube.com/watch?v=uMoCKClGYx0
كلمات أحمد فؤاد نجم
http://www.4shared.com/file/37295610/7042c5a3/2__online.html?dirPwdVerified=58befbed
2 صباحاً..كلمات صلاح جاهين
http://www.4shared.com/file/37294911/b4a5d56d/__online.html?dirPwdVerified=58befbed
أيدوم النهر..كلمات أمل دنقل
http://www.4shared.com/file/37296109/77ff52d/___mpeg.html?dirPwdVerified=58befbed
بحلم إنّي في استنبول..كلمات فؤاد حداد
..
بالمناسبة..لهم حفلة في الساقية يوم الثلاثاء 19 فبراير الساعة 7 و نص.
http://www.facebook.com/event.php?eid=8648663195
نسيت حاجة مهمة
و أنتي طيبة..آسف جداً بس على ما شفت الرد و رفعت الأغاني نسيت خالص.
بما أني كتبت رد تاني بقى..كل أغاني نغم مصري ألحان شربيني (الفوكاليست) و بعضها بمشاركة أوسو(الجيتاريست).
احمد
..
الولد أبو عيون خضرة اسئلته بجد وجيهة
يعنى من ابسط حقوقه وهو خارج يعرف هو رايح فين
باتغاظ اوى من اللى بياخدو ولادهم كده ويلبسوهم وينزلوهم معاهم وخلاص كأنهم خاطفينهم
ولا يبقو عارفين رايحين فين ولا هيعملو ايه
ده كفايه يكون استهزاء بيهم
..
كمان السؤال الاخير ده عادى جدا وانا مش شايفاه محرج ولا حاجه وكان ممكن باباه يجاوبه عادى جدا ،لكن معرفش ليه أبهات اليومين دول مكسوفين على طول كده
.....
وبالنسبه لغنوة منير فالغنوة دى بالذات لما باسمعها مابابقاش عارفة افرح ولا ابكى
بحبها اوى
..
عمرو
..
هو "الزمن" السبب.. بكل ما تحمله كلمة "الزمن" من معنى
بس فيه امكانية برضو ان تفضل جوانا "حته" بريئة كده محدش يقدر يقرب منها
ولا حتى الزمن.
..
بجد مش عارفة اقولك ايه على كل الاغانى دى
أنا سمعت اللى ع اليوتيوب
عجبتنى جدا جدا
الكلمات والتوزيع والفوكال بجد رائع
..
وبانزل باقى الأغانى دلوقتى
..
يا فندم لا داعى أبدا للأسف "جل من لا يسهو" ا
شكراً اوى اوى
:))
بريئة فعلا
ودمها خفيف
كل سنة وانتي طيبة
الظاهر فعلا انهم مش قدها
----
بوست رائع يا يوتا
تفتكرى كام سؤال سالناه واحنا صغيرين ماتجاوبش عليه...
ممكن فى يوم نبقى زى الاب دا كدا...وغيره كتير
نعود ولادنا انه مافيش اجابة..
ليه..؟
كدا وخلاص
كدا وخلاص ليه.؟
عشان هو كدا
هه
الولد كويس جدا وعارف دوره انه طفل
اما الاب فواضح انه اصبح اب بطريق الخطا
يحتاج تدعيم
او يحتاج يتعلم يكون اب لطفل
الشىء الغريب ان اغلب الناس بتعامل الاطفال بعقلها هى مش بعقل الطفل
الى عامل زى الهارد الجديد محتاج يتملى معلومات
البوست صغير وحلو
بس عاوزة تقولى ايه
تحياتى
مصطفى
..
شكرا على ردك اوى
منورنى دايما هنا
..
روزا
..
شكرا يا جميلة
..
دنادينو
..
يا خوفى
لو بقيت ف يوم من الايام ف موقف الاب ده انى اعمل زيه كده
تفتكرى ساعتها هانسى الكلام ده
واتصرف زيه برضو
؟؟؟
..
momken
..
يعنى بعد كل اللى انت قلته ومش عارف انا عايزه اقول ايه :)
عايزه اقول كل اللى انت قلته ده
وكل اللى الناس قالوه هنا
بس كده
نورتنى كتير
:)
الحقيقة ملحوظة مهمة وقوية منك لهذا الموقف
بس ممكن تقيسي على كده كتير فيما بين كثير من أفراد رغم تعلمهم العالي لايعرفون لغة يتكلمون بها فيمن توجد بينهم وبينه فروقات كثيرة
ناهيك عن عدم الايمان بلاختلاف من جيل للتاني
للأسف لا توجد لدينا ثقافة التربية ولا ثقافة صحية..الخ
حسن
..
ده أكيد
بس الخوف بقى زى ما دندنة قالت
اننا ف يوم من الايام
وبعد كل الكلام اللى احنا بنقوله ده
نبقى منهم
!
منور البلوج دايما
Post a Comment