احلام جديدة

poetry 19-3 من محاضرة

كشكول الاحلام قرب يخلص
وأنا عمالة اكتب احلام..وأنساها.. ا
واكتب احلام..واشطبها.. ا
واكتب احلام..واضيعها.. ا
..
.
ف الشهر اللى كنت بعيد فيه عن النت..
اcultural workshopبعدت عن جو ال
مكنتش باكتب(اقصد الكتابة الادبية).. ماكانش ف بالى انى اكتب اصلا
حتى لما رجعت ماكانتش الكتابة واحشانى ..ولا كنت حاسة انى ناقصنى حاجة
مش الكتابة هى الحاجة اللى انا عايزاها..مش هى الحاجة اللى بحبها بجد
بالعكس حسيت ان الفترة اللى كنت باكتب فيها كانت فترة مزعجة جداً لأكتر من سبب
وانى دلوقتى اهدى بكتير..
الكتابة تيجى براحتها..لو حبت. ا
..
.
كمان ف الفترة دى اكتشفت انى محتاجة جيتار.. ا
محتاجاه بجد
يمكن لسه مقررتش..لكن عموماً ده مش هيحصل دلوقتى
لاسباب كتيرة..اهمها انه لازم يكون من مالى الخاص جداً. ا
..
كمان اكتشفت انى بحب الكتاكيت -بجد بجد- ا
وعايزة اجيب كتاكيت ..بس لما افوق
مع انى رافضة وجود اى كائنات ف البيت غير البنى آدمين
(ولو مفيش بنى آدمين كمان يكون أظرف)
. لكن فكرت لما الكتاكيت تكبر وتبقى فراخ.. :( ا
هازعل.. مش عارفة هاعمل فيهم ايه ساعتها
لو فيه كتاكيت بتفضل كتاكيت على طول! ا
..
.
بعد ما النتيجة طلعت واطمنت -الى حد ما- انى هاتخرج السنه دى
قررت انى هاخد دبلومة الترجمة اول ماخلص ان شاء الله. ا
..
بصراحة بقى
انا لسه مش متأكده من اللى انا عايزاه بالظبط
بس ده مش مضايقنى..وحاسه انه طبيعى.. ا
مع انى حاسة انى متأخرة شوية
لكن طبيعى انى اجرب ميت حاجة عشان الاقى الحاجة اللى انا عايزاها ف الآخر
.
واللى مطمنى حاجتين
اول حاجة
ان حتى الاحلام اللى باشطبها..مابشطبهاش لانى فشلت فيها.. ا
لكنى باشطبها لانها مش شبهى
الحاجة التانية
انى مش مشتته بين ميت حاجة بعيد عن بعض
لأ ..حاسة انى باقرب من الحلم
فى الطريق يعنى.. ا
..
.
واللى مخوفنى حاجتين
اول حاجة
ان الكشكول يخلص وانا ف نص الطريق
تانى حاجة
الجدار.

من نفس المحاضرة


.............
ملحوظة: حصل موقف من اسبوع..اكتشفت بعدبه انى مش المفروض اقول احلامى الطازة غير للناس اللى بحبهم بس.. منعاً للاحباط ولحاجات تانية كتير