صورة حية للسرير دون اى تدخل.. المفروض بقى انى باكون وسط الحاجات دى
تم اول امس ضبط وتصوير سريرى متلبساً بالمذاكرة.. وصدر الحكم عليه بشهر و3 ايام مع الشغل .. وطبعاً الحكم هينفـذ على السرير وصاحبته
..
..
ابحث فى الصورة عن: شنطتى- مجى العزيز- الصينية- بندق(صديقى الاصفر)- ملزمة الأدب الامريكى واخرى للمقارن- موبايل نوكيا ا(معرفش كام) - قلم بريما ازرق وآخر اسود....واى حاجة تانية تلاقيها تكسب مكواه او تليفزيون ايديال -اصلى طبعاً- الوان 25 بوصة. ا
تحديث
.. لعمر فاروق sweet trouble بعد ما دُخت بحثاً عن مقطوعة
وانا باتجول ف الشبكة العجيبة اتكعبلت ف السايت ده وقلت ماعزهوش ابداً على الناس اللى بتعدى
عشان اللى بيحبوا موسيقى عمر فاروق غالبا داخو زيى ..واللى ماسمعوهاش قبل كده يجربوها
بتنفع ايام المذاكرة على فكره
..
zip fileملحوظة :الالبوم بينزل
دى الباسوورد عشان تفكو الضغط
www.persiadownloads.com
..
وانا باتجول ف الشبكة العجيبة اتكعبلت ف السايت ده وقلت ماعزهوش ابداً على الناس اللى بتعدى
عشان اللى بيحبوا موسيقى عمر فاروق غالبا داخو زيى ..واللى ماسمعوهاش قبل كده يجربوها
بتنفع ايام المذاكرة على فكره
..
zip fileملحوظة :الالبوم بينزل
دى الباسوورد عشان تفكو الضغط
www.persiadownloads.com
..
17 comments:
يا نهااااااااااااااري يا يوتا
بجد رهيبه قوي
لا بس كركبه بحق
و المج العزيز كمان
متقلقيش عندنا مج عزيز برضه
يا رب يا رب يا رب
تنجحي
و اخلص منك بقا
و تتخرجي زيي بقا
و تلفي و تدوخي عى موضوع الشغل
لغايه اما في الاخر تلاقي الشغلانه اللي نفسك فيها
( ما هو انت لازم تتعبي يعني .. مفيس حاجه بالساهل )
يوتا
بحبك يا بنت انتي خالص
و نفسي ربنايوفقك بجد
زيزي
YOTTA
ربنا معاكى
اللي بيذاكر على السرير لازم يكره حياته
ازاي؟
يعني السرير ده مهربي من المذاكرة أحوله لوكر آخر لها؟؟
أكيد هيبقى شئ يغييييظ
ربنا معاكي
عموماأنا هاصور بس مدخل أوضتي
وهتعرفي ان الكراكيب دي كلها لا تعدو أن تكون فسوة في جلال كركبتي ومجرد نقش صغير على عرش زخم إهمالي
:))))))
هههههههههههه
ياللهوي والله انا بس لو عندي ربع الحاجات دي لكنت طلعت الاول ع الدفعة
تصدقي انا مش بعرف حاجة عن المذاكرة غير لما بكبير شيت او ساعه الامتحانات ودمتم على كدا
دا نظام تعليمي متخلف اصلا وخسارة فيه المذاكره
انا سريري ممكن تلاقي عليه كتب او جرايد او مجلات روايات
لكن كتب دراسة مستحيييييييييييل
دا انا اصلا مش باخد معايا كتب الكلية البيت بشتريها بس علشان عليها 10 درجات والكشكول بجيبه علشان اكتب فيه اشعار ( مش بتاعتي بس بفتكرها لحد ) وشوية نثريات وحركات كدا
ياللا سلام
وابقي ارمي السلام بس فى الشهر والتلات ايام دول
تشي أحمد
مجك ابيض...زى بتاعى
بس بدل الاسمر انا مجى فيه بينك
صديقك الاصفر فوق فى اخر الصورة
والقلم جنب المج
وفيه مذكرتين...بس مش باين اى حاجة منهم...ودا كدا تضليل منك عشان ماحدش ياخد الجايزة
انى احتك
يااااااااااااااة فكرتينى بالذى مضى..انا ماكنتش احس بجو الامتحانات و انى بذاكر بجد الا لما سريى يكون بالمنظر دة ..ويارتها على السرير و بس لآ دة لازم يكون جنب السرير كرسى و رف خشب-فى حالة انى اربع و احطة على رجلى كانة ترابيزة- دة غير كرسى المكتب و ممكن اجيب ترابيزة و كرسى انترية كامن و احطهم تحت الشباك اللى بيدينى فىالنهاية انى اتحرك فى الاوضة على طراطيف صوابعى و انى بنام فى الصالون
اييييية..كانت ايام
عجبتني الصورة الواقعية الي انتي نقلتيها لينا ..
موفقة .. تذكريني بنفسي وسريري
تحياتي
ربنا مايوريكي سرير واحد في طب
أشغال شاقة مؤبدة
وبحر من الكتب واللغات العجيبة
شدي حيلك
زيزووو
..
ايوه كده ادعيلى كتير عشان اخلص بقى
احسن الواحد دلوقتى خلاص على آخره
بحبك اكتر منك
;)
...
محمد
..
ربنا يكرمك على الدعوة دى
ربنا معانا كلنا
:)
...
معاذ
..
اصل فكرة المذاكرة ع المكتب دى انقرضت بالنسبة لى تقريبا
بقت شئء مستحيل يعنى
انا حياتى كلها ع السرير
باهرب من المذاكرة بالسرحان او الكمبيوتر -الجهاز العظيم ده
:)
...
احمد
..
لا فرحتنى بيك بصراحة
يعنى انا المفروض ابقى قدوة ليك دلوقتى
ماعنديش اكتر من ورق المراجعة والملازم
بس عايزة حد غيرنا يبقى قدوة لينا
يكون عنده ورق
وبيذاكره
!
..
ميوية
..
ماتحتكيش ولا حاجة
اجابتك اقرب اجابة للاجابة الصحيحة
ليكى عندى تليفزيون
ايديال مش اى حاجة يعنى
...
sou
..
انا برضو باحب اعمل سيرك كده ف الاوضة
يعنى السرير ده جزء صغنون جدا من الكرنفال اللى هنا
:))
..
armada girl
..
كويس ان الصورة عجبتك
شكراً على مرورك وردك
..
مصطفى
..
متخيلة الموقف
بما انكو بتدرسو اضعاف اللى احنا بندرسه
يبقى الفوضى عندك اضعاف الفوضى
ربنا معانا كلنا
..
الله الله
هو إنتي من هواة المذاكرة على السرير زيي (لما ربنا بيهديني وأذاكر أصلاً) ؟؟
لكن مع بعض الفروق
إني مش بحط المج على السرير خالص لأني كثير التحرك ودايماً بنسى حاجة أقوم أجيبها من على المكتب وأرجع تاني ومش عايز الورق يبوظ طبعاً
وكمان معنديش (بندق .. ولا أي كائن أصفر) والكلام ده
أنا بحب ألعب في كيس المخدة أقعد ألف فيه كدة وأحياناً لما بتنرفز من حاجة مش فاهمها (وده شعور دائم إلى حد كبير) بعض في الكيس لدرجة إن ماما عملتي كيس لوحده أعض فيه ليل ونهار
على العموم ربنا يوفقك ويوفقك ويكرم الجميع إن شاء الله
دعوات الجميع للجميع بالنجاح بقى
سلام
يااااااااااااه
كل دي أعمال لعمر فاروق
يا بنت الايه
ده أنا مش هانام كده
شكرااااااااااااااااااااا جداااااااا جدا جدا
ودمتي ذخرا للمستمعين
:))))
يااااااااااة مش عايزة اقولك النسة اللى فاتت انا دخت اد اية عشان الاقيلة حاجة و يادوب لقيت مقطوعتين بس..وكل ما اسال حد علية يقولى اول مرة اسمع عنه :))
الأستاذ
..
حلوة فكرة المخدة بس انا لسه ماوصلتش لمرحلة العض :))
ربنا يوفقك يارب
..
معاذ
..
ودمت سميعاً
..
sou
..
عمر فاروق اسمه مش معروف لناس كتير
لكن عارفة لما نزلت كام البوم كده
اكتشفت ان فيه اكتر من مقطوعة نعرفها وبنسمعها كتير اوى بس منعرفش انها بتاعته
!
حلوة ملايتكم دي
كاميليا
..
يا لئيمة
خدتى بالك من الملايه
:))
Post a Comment