كراكيب من الروح

*بعد التحديث 1-2-3

اى حد بيعدى: مش لازم تقرا..لو مش ناقص كراكيب. ا


الكلام اتكتب زى ماجه ف بالى.. ا
اتدلق يعنى.. فاحتمال كبير يكون فيه كلام مالوش معنى وآخر مالوش علاقه ببعضيه. ا

italicsالكلام اللى بال
من اغانى كنت باسمعها وانا باكتب الكلام ده.. يعنى جت كده ويمكن..يمكن يعنى..مالهاش علاقة بحاجة برضو. ا
ا

برئ
لكن غريق مع احلامى اللى جاية

خلافات بينى و بينى لازم اصفيها، وكراكيب بتزاحم بعيضيها لازم اخرجها.. اقولها لأى حد/ولا حد.. حتى لو للكتاكيت.. ا

وانا أمشى وانا امشى..امشى ..امشى.. ا
بقدم او بدون
مش ده اللى بافكر فيه دلوقتى
مش دايماً المشى بيكون شىء ايجابى.. ومش معنى انى ماشيه او باتحرك ان ده صح
كل واحد محتاج كل فترة انه يقف.. وانا محتاجة ده اوى دلوقتى..محتاج اقف
لانى اولاً: بانهج. ا
ثانياً: محتاجة اعيد ترتيب اوراقى -اشارات كتير بتقولى انى لازم اعمل كده دلوقتى- ارتب اوراقى من جديد -الفاضى منها والمليان..كله. ا

قللو عيونه مش فجأه بينتسوا.. ضحكات عيونه ثابتين
ما بينقصوا.. ا

الأماكن الغريبه اللى بالاقى نفسى فيها.. اللى ماتشبهنيش.. والاماكن اللى ناقصها حد معرفوش عشان تبقى شبهى.. لازم ابعد عنها اليومين دول..البيت والجامعة لازم يبقوا "حلوين" .. ا
الساعات اللى ساعات بتجرح حاجات.. لازم برضو تبقى حلوة.. ولازم احبها واحترمها زى بابا وماما بالظبط :! ا

خدها كده زى ما هى
وزى ما هى يعنى زى ما هى
كده يعنى..

دنيا بتلعب بينا ليه؟ ايه راح ناخد من ده ايه؟؟ ا

اكتر حاجة ممكن تضايقنى انى اتفهم غلط.. شوف ..انا لو ماتفهمتش خالص يكون احسن
انا كنت باضحك..لكن محدش عرف السبب الحقيقى ورا الضحك ده.. الفكرة انى كنت عاملة يومها دماغ شاى بحليب جامدة جداً.. ايوه انا كنت باضحك.. لان فيه حاجة بتحصل.. ولانى اليومين دول كنت مهيسه وباضحك على اى حاجة.. ولانى مكنتش عايزة اعيط.. ولأنى مؤمنة انى لو ماقدرتش اضحك لازم ادمع وابكى.. ماباحبش الحاله اللى ف النص دى.. وانى لوقدرت اضحك ..لازم اضحك اوى .. ع الآخر. ا
محدش يلومنى.. عشان انتو عارفين انها بتقلب معايا ببُكا.. وقلبت.. خلاص؟! ا

ومشيت في الليل خجلان مكسوف.. إكمن الليل عريان مكشوف
أفراح الناس وجراح الناس .. على صدر الليل عناقيد وصفوف

.
يعنى من ساعتها وانا متغيرة.. امال لو كده بقى هبقى ازاى
؟
!

ناس: ا

طنط اللى بتكلم نفسها ف الموبايل: كان نفسى اقعد ارغى معاكى.. واعملك حلة محشى ولا صينيه بطاطس واوديهالك البيت ..ونقعد ناكلها سوا. ا

طنط اللى رايحة امبابة- بس هتعدى الاول على ابنها ف ميت عقبة: كان نفسى اوصلك لحد البيت ..واطمن عليكى. ا

بابا وماما: انا آسفة.. معرفش على ايه.. بس حسيت انى عايزة اقولكو انا آسفة.. وبما انكوا الوحيدين اللى عمرى ماافكر قبل ما اقولكو انا اسفة انا هاقولها ليه.. وعشان انا فعلاً مش عارفة انا آسفة على ايه.. بس حاسه ان انا آسفة.. فانا آسفة وخلاص. ا

حد قريب: هانت .. ربنا يهونها عليك ويهديك ويكرمك.. ا

حد معرفوش: انا نفسى مرة "اجرب" اكون ليك "حد اقرب" ا
من حزنك مش بيهرب
واخد حزنك بجد. ا

بسمة ورحاب وايمان واميرة وشروق وخالتو نجوى وطنط عفاف.. : انا عايزة اكلمكو واسأل عليكو
انا المفروض اكلمكوا واسأل عليكو
انا ماباكلمكوش ليه؟؟! ا

تحديث 1: ا

انا: نفسى اسألك.. ليه مُصرة تاخدى الدوا وانتى عارفة ومتأكده انه مش هيجيب نتيجة؟

....
ا
وانا ماشيه باتلفت وباسأل كل يوم.. بيعمل ايه دلوقتى وبيحلم بمين .. ا
وجننى طول البعاد

خفت لما حسيت ان ممكن حاجات صغيرة اوى كده تهز علاقتى بناس قريبين منى وتبعدنا عن بعض! ا

واملا الكون باغانيا.. ولو كان الجناح مكسور

آه لو واحد وجيه.. بالعود بتاعه ! ا
واحد وجيه لو سمحت

يا شال الهوى غطيه
يا نسيم الأطبه داويه
وحاسبى يا غربه عليه
..بكينى.. واضحكى ليه
.


الحلم مابيموتش ..احنا اللى نموت
لو... بطلنا...نحلم

.. .سيب اللى يكره يكره وانت احلم ببكره
مع انه لسه ماجاش ! ا

،ساعات باحس انى مانفعش غير حد واحد
،وساعات باحس انى مانفعش غير نفسى
.وساعات باحس انى مانفعش
.

تحديث 2: ا

حاسه بقلبى فاضى لدرجة مخليانى مش حاسه بوجوده هنا او هنا وعندى رغبه فظيعه انى اجيب سكينه وافتح عشان اتأكد انه موجود . ا
..
.

.. ..ياريتنى اكون موجة
.ياريت
.
.

:تحديث آخر
..البوست اللى فوق حطيته امبارح ..تمانية ونص الصبح قبل ما انزل الكلية
رحت الكلية وبعد المحاضرات رحت انا و سلمى نذاكر ف كافيتيريا المجلس الاعلى ف الاوبرا
واحنا رايحين ف الطريق كنت بقول لسلمى "انا نفسى اشوف حد النهارده.. حد وخلاص.. جديد قديم.. اى حد" ا
ماكانش ف دماغى حد فعلا.. بس كان نفسى اشوف حد صدفة وافرح انى شفته
:)
قعدنا نذاكر.. وكان كلام كتير على وجيه والحلم بتاع سلمى والحلم التانى بتاعى اللى كان من يومين تقريباً.. وقعدنا نضحك على ان اللى بنحلم بيه ده هو اللى جوه دماغتنا (الاحلام دى كان ليها علاقة بوجيه بشكل او بآخر) ا
شويه..وف عز المذاكرة.. لقيت سلمى فجأة اذبهلت وباصة على حاجة ورايا.. اتخضيت.. وبالتفت ورايا لقيت مين؟؟
وجيه
:D
اول مابصيت..افتكرتها هلوسة مذاكرة وحسيت وكأنه "منبثق" (وسلمى عارفة يعنى ايه منبثق..معلش فعلا شرحها يطول ولازم ادى امثلة وفيونكه وشراب واشياء من هذا القبيل:) ا
يعنى نبقى لسه بنجيب ف سيرته (احنا بنجيب ف سيرته على طول اه بس القعده يومها كلها كانت عليه تقريباً) ا
وابقى نفسى اشوف اى حد النهارده..اى حد.. يطلع لى وجيه
.
بعد مفاوضات علشان نرتب كلمتين نقولهمله وكده.. رحنا سلمنا عليه.. المهم بقى اللى حصل بعدها
احنا قاعدين على ترابيزة.. ووجيه ف الترابيزة اللى ف وشنا
comparative literatureوالمفروض اننا بنذاكر
(ادب مقارن)
تحديداً "وانا واحد من ملوك النهاية- محمود درويش" ا
in comparison to
"Exposure- Seamus Heaney"
وبعد ظهور وجيه -او بمعنى اصح انبثاقه- ا
اتقلبت القعده لمقارنه بين النصين واغانى وجيه
:D
يعنى مثلاً
"How did I end up like this"
is similar to
"معقولة انا قضيت العمر ده كله زى ما رحت زى ماجيت"

و"اقفز عن فرسى فى الشتاء الاخير..." ا

تبقى ايه؟

..ساعات المطر"
وساعات" ا

!

اى حد قرا: معلش.. كنت محتاجة ادلق الكلام ده هنا عشان دماغى تفضى شوية وابدأ مذاكرة..الامتحانات قربت..ادعولى. ا

ا"punctuation" الصورة اللى فوق دى اسمها*