يا مشرط الجراح أمانة عليك
وإنت ف حشايا تبص من حواليك
فيه نقطة سودة ف قلبي بدأت تبان
شيلها كمان.. والفضل يرجع إليك
عجبي!!ا
من رباعيات جاهين*
يوم 28 -10 فى الكيت كات والساعة حوالى 6:20 ..عمو اللى معرفوش واللى اتصرفت معاه بغباء وأنانية.. وكانت الفرصة موجودة انى اقول أنا آسفة وموجودة انى اساعده.. بس لقتنى تنحت من تصرفى وتسرعى ومن الموقف ومن رد فعله اللى كسفنى أكتر وحسيت ساعتها انى شكلى وحش اوى قدام نفسى واتخرست ومعرفتش أقول ولا اعمل حاجة.. أنا آسفه ليه وليا ولكل الظروف والزحمة اللى غيرتنى وحطت نقطة سوده هاشيلها يعنى هاشيلها بأى طريقة ممكنة..ا
8 comments:
ياه يا زينة
صعب أوى لما نتصدم ف نفسنا
أو نحس فجأة إننا عكس ما كنا متوقعين
قلبى معاك بجد
مؤلمة فعلا
وجربتها كتير
قلبي معاكي انا كمان
حطيه جنب قلب مي
: )
قلبى معاكى حطيهم جمب مصطفى ودندنده بس حاولى تتغلبى على نفسك عشان تكونى الاحسن مهما كلفك الامر
:D
ميرسي جدن ع القلوب دى كلها ياجماعة
مع إن الموضوع مش مستاهل تدونى قلوبكو
وكده
كنت متضايقة ساعتها صحيح كتير
بس اهو يعنى موقف وعدى بقى وخلاويص
بس برضو هاخد القلوب تواسينى شوية بما إنى قاعدة ف الشغل لغاية دلوقتى والساعة 7الا ربع ونفسى اروح بيتنا
يلا سلام
:))
it happens
بما ان بقي عندك فائض قلوب
فمناخيري معاكي:D
:D :D
المناخير مهمة برضو
طيب كل واحد يجى يسحب قلبه أو مناخيره بقى ولا إيه
يعنى أصل كدا يبقى إستغلال صراحة
:D
فى كل الاحوال انا مبسوطة بقلوبكو اللى حواليا دى
هو انا استغنى برضو يا ميوية
وأكيد أكيد ليهم عوزة
Post a Comment