.
كأني لما ألبس البالطو وأدخل تحت البطانية وأسمع فيروز وأنا باشرب كاكاو سخن ف عز الحر الشتا هييجي.. ومفيش حاجه بتجيب حاجه..ا
ا
.
.
بليل بافكر: فى حاجات كتير مابقتش قيمة زي الأول.. إنما لسه فيه حاجات.. كأني ف الوقت الضايع.. وأفكر ف الوقت الضايع.. ف الأحلام اللي عماله تتلاشى وأنا مش عارفة أمسك حاجة منها.. ف الكلام اللي فقد معناه.. في أيام عادية واحشاني.. ف إن حياتي كلها كانت المفروض تبقى أجمل من كده لولا الحزن المفاجيء المزعج المزمن الصادم.. بافكر هل ينفع أبعد قلبي عن باقي الأحزان؟.. باكلم ربي.. عن الأفكار اللي بتذلني عشان مش راضية تتكتب وأمور أخرى.. بافكر أد إيه اللي فات كان حقيقي.. وتجيلي فكرة إن كل اللي فات كان غلط وعادي جدًا.. بافكر في الشبابيك المتكسرة.. في عنيا عشان واجعاني شوية.. وابتسم عشان بقيت احب نضارتي.. في إيه اللي باعمله صح وايه اللي مالوش لازمة ومزعج.. فى إني زهقت من المليون حالة اللي أنا فيهم طول اليوم .. عشان ساعات الصبح رايقة ومبسوطة ومشغولة.. ف نص اليوم يوحشني زمان مثلاً.. آخر اليوم عادية خالص.. بليل مش بحب ولا حاجة.. وأفكر في المطر.. وأسأل فين البرد عشان أتدفى؟.. وأتمنى كل حاجة تخلص. أنام.ا
بليل بافكر: فى حاجات كتير مابقتش قيمة زي الأول.. إنما لسه فيه حاجات.. كأني ف الوقت الضايع.. وأفكر ف الوقت الضايع.. ف الأحلام اللي عماله تتلاشى وأنا مش عارفة أمسك حاجة منها.. ف الكلام اللي فقد معناه.. في أيام عادية واحشاني.. ف إن حياتي كلها كانت المفروض تبقى أجمل من كده لولا الحزن المفاجيء المزعج المزمن الصادم.. بافكر هل ينفع أبعد قلبي عن باقي الأحزان؟.. باكلم ربي.. عن الأفكار اللي بتذلني عشان مش راضية تتكتب وأمور أخرى.. بافكر أد إيه اللي فات كان حقيقي.. وتجيلي فكرة إن كل اللي فات كان غلط وعادي جدًا.. بافكر في الشبابيك المتكسرة.. في عنيا عشان واجعاني شوية.. وابتسم عشان بقيت احب نضارتي.. في إيه اللي باعمله صح وايه اللي مالوش لازمة ومزعج.. فى إني زهقت من المليون حالة اللي أنا فيهم طول اليوم .. عشان ساعات الصبح رايقة ومبسوطة ومشغولة.. ف نص اليوم يوحشني زمان مثلاً.. آخر اليوم عادية خالص.. بليل مش بحب ولا حاجة.. وأفكر في المطر.. وأسأل فين البرد عشان أتدفى؟.. وأتمنى كل حاجة تخلص. أنام.ا
9 comments:
المليون حالة اللى انا فيهم طول اليوم
حالة بمزاجى وحالة مفروضة عليا وحالة رايحة ومية بياخدو مكانها
مرهق اوى
مرهق اوى اوى
إيه الطوفان التدوينى ده ؟؟ ربنا يزيد و يبارك :)
آه م الشتا و بروفاته ..مؤلمة جدا لأنك لو عملتى قردة برده مش حتجيبى الشتا إلا لما يجيليك هوّ
البوست بتاعك ده على رأى دندنة مرهق آوى آوى
مي ونهال
.
منورين والله.. وسلامتكو من الإرهاق.. :)
.
مي
--
ومش هارسى بقى على حالة.. كفاية كده
:S
نهال
--
ما هو عشان الطوفان التدويني ده الواحد اتعلم ميقعدش قدام الجهاز اللعين ده وهو شارب كوفي ميكس..
:D
مع اني كنت ساكتة بقالي فترة قبلها..
واهو كله اتمسح:D
عجبني من تعليقك "الشتا وبروفاته" .. ينفع عنوان نص "بروفة شتا"ا
:)
.
كل سنه وانتو بخير والعيد فرحة إن شاء الله
:)
.
بتدورى على الشتا ليه...ما دفا الصيف موجود
بصى عامة
مش عشان الشتا يجى تمسكى البطانية والكاكاو السخن
هو بيجى لوحده من غير ميعاد
وقتها ممكن نكون واقفين فى اعلى مكان وبنصرخ من جوانا
بس كده ^_^
بجد امتي الشتا بقي!!!
كلامك جميل يا بريئة وزود احساسي باستجداء الشتا
دمت جميلة
هو النص جميل أوي
ممكن يكون مرهق كمضمون مثلا
بس ككتابة النص أصلا أدهشني جدا سلاسته واتفاجئت انه خلص
جميلة جدا الانسايبية والتدفق اللي مخلليين الكلام عايم وهو محمل بكل الكثافة دي
انا عشت الحالة دي طول الوقت
دلوقتي يمكن مش كده بس فاكرها كتير
كنت في الايام اللي زي دي بدور على أي منبع للشغف
هو ده
الشغف
ربنا معاكي :)
safa7_karmooz
..
بص.. هو حر الصيف مش شبه دفا الشتا
خالص
احساس الدفا بعد البرد
يعني زي ما الميه كده بعد عطش طويــل
لدرجة انك يبقى نفسك ف برد عشان تحس احساس الدفا ده
أو حتى احساس افتقاد الدفا :)
.
وعجبني بجد النُص التاني من رأيك
حقيقي ممكن جداً
:)
.....
بحلم
..
شكراً على كلامك ده :)
مرورك جميل
:)
......
معاذ
..
تصدق اني مبسوطة برجوعي لمرحلة الشغف اللي انت خلتني اخد بالي منها دي..
:)
بس على فكره.. أنا مؤمنة انك حتى لو ف حالة تانية أعلى.. لازم يبقى الشغف بالحاجات موجود
أقصد انها مبتعوضش وجود حالة تانية
ولا الحالة التانية تلغي وجودها
.
الله لا يحرمنا الشغف ولا مرارته
:)
هو انا مقصدش خالص اني عديت المرحلة اللي الواحد محتاج فيها شغف
وش لا طبعا
انتي صح الشغف ده حيوي جدا
الشغف اصلا محرك البني ادم الاساسي
يمكن يكون قصدي اني عندي منبع دلوقتي للشغف مثلا ;)
حلو الاقتباس جدا :D
ربنا يخليلك المنبع يا معــاذ
:)
أنا برضو عجبني الاقتباس لما اقتبسته:D
Post a Comment