,,,,

حاجة رابعة عشان مينفعش اعديها

عرض "هنا السعادة"ا
تأليف واخراج : نورا امين
فرقة لاموزيكا
على مسرح روابط بوسط البلد- بجوار التاون هاوس
الساعة 8 مساءً
..
اول امبارح نزلت وحدى ، كل الناس كانت مشغولة، ا
وانا نازلة كنت فرحانة لمجرد انى نزلت ومكسلتش
وانا خارجة من العرض كنت فرحانة اكتر

العرض جميل جداً.. واجمل مافيه انه مفيهوش فزلكة
قبل ما اشوف العرض العنوان المباشر جداً ادانى ايحاء انه هيكون نص تقليدى عن السعادة
وهيقدم فكرة من الاتنين
يا اما هتبقى قصة ان السعادة ليست فى المال (او اى حاجة تانية الكاتب شايفها غلط)ا
وانما السعادة ف (اى حاجة الكاتب شايف انها صح)ا
او تكون الفكرة التانية ان السعادة مش بالكيلو/ بالكم لكن بالكيف


لكن فكرة العرض كانت حاجة تانية خالص
العرض بيقدم ست نماذج من البشر..كل واحد فيهم بيلاقى السعادة ف حاجة..ا
الناس دول عاديين جداً وبيلاقو سعادتهم ف حاجات عادية جداً
عشان كده وانت خارج أكيد هتحس نفسك ف واحد منهم ،او واحد ونص..ا
يعنى هتكون شبه حد اوى وفيك من الشخصيات التانية برضو. ا

طب ايه لزمة الموضوع لما الحاجات اللى فيها السعادة دى عادية جداً..فين الجديد يعنى؟ ا
اقولك..هدف العرض ببساطة انه يلفت نظرك للحاجة اللى ممكن تسعدك
عشان ممكن يعدى عمرك وتكتشف-زى الشخصية السابعة- انك "نسيت" تكون سعيد
نسيت تعمل الحاجة اللى بتفرحك..نسيت أصلاً تفكر ايه اللى ممكن يفرحك..ا

النص جميل والممثلين جامدين وفيروز كراوية كاتبة و مغنية غنوتين حلوين اوى

العرض لسه مستمر ليوم الجمعه..والدخول مجاناً طبعاً.. بطلو كسل وروحوا
..
ده جزء (كوكتيل) من النص..من كلام كذا شخصية..(جمعته على مزاجى زى ما افتكرته يعنى ده بما انى حضرت العرض للمرة التانية وحذفت واضفت يعنى بتصرف) ا

عمرى ما كنت اتصور ييجى عليا يوم وأقول ان السعادة ف الوحدة"
ف وحدتك تقدر تكون اللى انت عايزه
من غير حد يضايقك ولا يخنقك ..ولا حد يزعلك ولا حد يبص لك من فوق لتحت ولا حد يعطلك ولا حد يبوظ لك حياتك..ا
إلا
لو لقيت نصى التانى

ونفضل متبتين ف بعض..نبقى برضو واحد..لكن واحد مش وحيد
ساعتها اقدر امسك السعادة بايديا
واحسها زى السحاب المعمول من غزل البنات الهفهاف اللى لونه بمبى ومسكر" ا
اا
..

السعادة مش انك تحس انك سمكة جوه الميه"
لأ
السعادة انك تحس انك ميه جوه الميه" ا

..

تحديث
End of the world news
by Tom McRae

كانت ضمن أحداث العرض
..

ملحوظة: يبدو على المدونة ومن البوست اللى فات انى قلبتها "أين تذهب هتذا المساء" لكن الموضوع مش كده خالص بس هى جت صدفة :)ا